သေရင် မပုတ်တာ၊ ပျော့နေတာ တွေကြည့်ပြီး အရိယာပုဂ္ဂိုလ်​ ဟုတ်မဟုတ် ဆုံဖြတ်လို့ ရလား

သေရင်

သေရင် မပုတ်တာ၊ ပျော့နေတာ တွေကြည့်ပြီး အရိယာပုဂ္ဂိုလ်​ ဟုတ်/မဟုတ် … ဆုံးဖြတ်နေကြ တာတွေနဲ့ ပတ်သက်လို့ ပါမောက္ခချုပ်ဆရာတော်ကြီးရဲ့ ရှင်းပြချက်။ –

“အမြင်နဲ့ ဆုံးဖြတ်သူများ” – ကြားဖူးတယ်မို့လား အရှင်ကောဏ္ဍညကြီးဆိုတာ။ သူက သံဃာ့ပရိသတ်ထဲမှာ မနေဘူး။ တကယ့်ကိုသံဃာတွေရဲ့နောင်တော်ကြီးသဖွယ် တရားထူး တရားမြတ်ကို ပထမဆုံးရတဲ့ပုဂ္ဂိုလ်ကြီး။ ဒါ့ကြောင့် အညာသိကောဏ္ဍညော၊ အဦးဆုံးသိတဲ့ အရှင်ကောဏ္ဍည ဒီလိုဆိုတာ။ သူကလည်းပဲ အရှင်သာရိပုတ္တရာတို့လို ထက်မြက်တဲ့ပုဂ္ဂိုလ်တွေ ရောက်လာတဲ့အခါ သူကထေရ်ကြီးဝါကြီးဖြစ်တော့ သူ့ကို အရိုအသေပေးနေရတာတွေ jealousy မဖြစ်ဘူး ရဟန္တာ-ဆိုတာ။ အခုခေတ်ဆိုလို့ရှိရင် ငါ့နောက်မှလာပြီးတော့ ငါ့အထက်ကရောက်တယ်ဆိုပြီး jealousy ဖြစ်ချင်ဖြစ်မယ်။ သူ့မှာjealousy မရှိဘူး။

အော် သူတို့ (အရှင်သာရိပုတ္တရာနဲ့ အရှင်မောဂ္ဂလာန်) ဒီထူးချွန်ထက်မြက်မှုဟာ သာမန်နဲ့ရတာမဟုတ်ဘူး။ ဘဝါ ဘဝ က ပါရမီတွေဖြည့်ခဲ့ရတယ်။ အင်မတန်ထူးချွန်တဲ့ပုဂ္ဂိုလ်တွေ ငါရှိနေရင် သူတို့အနေအထိုင်ခက်လိမ့်မယ်ဆိုပြီး သံဃာ့ပရိသတ်ထဲမှာ မနေဘူး။ ဟိမဝန္တာတောင်က ဆဒ္ဒအိုင်ဆိုတဲ့ ရေအိုင်ဘေးမှာ သွားနေတယ်။ တောကျောင်းထဲမှာ သွားနေတယ်။ သံဃာ့ပရိသတ်ထဲကို မလာဘူး။ သူ့ကိုပြုစုတာက လူတွေ မဟုတ်ဘူး တောဆင်ရိုင်းတွေက သူတို့ကို ပြုစုနေတာ။ ဘာဖြစ်လို့လဲဆိုတော့ သူ့မေတ္တာက တအားကောင်းတာကိုး။ ဆင်တွေရဲ့အလုပ်အကျွေးကိုခံပြီးတော့ အဲ့ဒီမှာပဲ ပရိနိဗ္ဗာန်ပြုသွားတယ်။

သို့သော် ပရိနိဗ္ဗာန် စံခါနီးလေးကိုတော့ မြတ်စွာဘုရားကို လာကန်တော့သွားသေးတယ်။ နောက်ဆုံးကန်တော့တဲ့အနေနဲ့ လာဝန်ချကန်တော့သွားတယ်။ အဲ့ဒီမှတ်တမ်းတွေကတော့ သံယုတ်ပါဠိတော်မှာ ကောဏ္ဍညသုတ်-ဆိုတာ အဲ့ဒီမှာ မှတ်တမ်းတွေ ရှိတယ်။ အရှင်ကောဏ္ဍည ပရိနိဗ္ဗာန်စံတော့ ဘယ်လိုပရိနိဗ္ဗာန်စံတုန်းဆိုတော့ ထိုင်လျက် သမာပတ်တွေ ဝင်စားပြီးတော့ ထိုင်လျက် ပရိနိဗ္ဗာန်စံသွားတယ်။

အခုခေတ်ကတော့ သေတာလိုက်ကြည့်ပြီးတော့ လက်ယာဘက်စောင်းရင် အရိယာတို့ဘာတို့ လျှောက်ပြောနေတာ။ အကုန်လုံး ပုံသေမမှတ်ရဘူး ဒီကိစ္စတွေက သူစောင်းချင်တဲ့ဘက် စောင်းမှာပဲ လေးတဲ့ဘက်စောင်းမှာပဲ။ အဲ့ဒါနဲ့ ဆုံးဖြတ်လို့ မရဘူးဆိုတာ။ ဘာဖြစ်လို့လဲဆိုတော့ ရဟန္တာတွေတောင်မှပဲ မတ်တပ်ရပ်လျက် ပျံလွန်တော်မူတာ။ ထိုင်လျက် ပျံလွန်တော်မူတာ ရှိတယ်။ ဘယ်လိုလို့ လက်ယာဘက်စောင်းသွားမှာတုန်း။ တချို့က အဲ့ဒါတွေ လိုက်ပြီးတော့ အော် ဘယ်ဖက်စောင်းသေတာတုန်း ဒီလိုစာထဲလည်း မရှိပါဘူး။

ဘယ်သူကစပြောလဲ မသိဘူးဒါတွေ။ အရပ်ထဲမှာပြောတာတွေ စာထဲမှာမရှိတဲ့အကြောင်း ထည့်ပြောပြတာ။ သူဖြစ်ချင်လည်း ဖြစ်မယ်။ မဖြစ်ချင်လည်းမဖြစ်ဘူး။ ဒါတွေက Evidence မဖြစ်သင့်ဘူး။ နောက်ရှိသေးတယ်။ သေသွားပြီးတော့ ပျော့နေတယ်။ ဒါ့ကြောင့်မို့လို့ တရားထူးတရားမြတ်ရတယ်။ ရဟန္တာပဲ ဒါလည်း မဖြစ်သင့်ဘူး။

ဒီဟာလည်း အဓိကမဟုတ်ဘူး။ ဒါက လူ့ခန္ဓာကိုယ်တည်ဆောက်မှုနဲ့ သက်ဆိုင်တယ်။ ပူတိဂတ္တ တိဿမထေရ် -ဆိုတာ တကိုယ်လုံးရောဂါဖြစ်ပြီးတော့ ပုပ်ပွပြီးတော့ ပရိနိဗ္ဗာန်စံသွားတာပဲ။ ပဋိသမ္ဘိဒါလေးပါးနှင့်တကွ ရဟန္တာကြီးပဲ။ အဲ့ဒီတော့ ဒီရုပ်နဲ့ပတ်သတ်ပြီးတော့ Evidence ရှာတာ မမှန်ဘူး- လို့ပဲ ပြောရမယ်။ အကျင့် နှလုံးသွင်းတရားနဲ့ပဲ လိုက်ပြီး စဉ်းစားရမယ်။ ဒီလိုမှ မဟုတ်ရင် မှားမှားယွင်းယွင်းတွေ အများကြီးဖြစ်နိုင်တယ်။

အပေါ်ယံကို မကြည့်သင့်ဘူးလို့။ ရုပ်ပိုင်းဆိုင်ရာတွေက အကုန်လုပ်လို့ ရတယ်လေ။ ဓာတ်တော်တွေ ကျအောင်လုပ်လို့ ရတယ်။ Chemical နဲ့ ဓာတ်တော်ကျအောင် လုပ်လို့ရတယ်။ လုပ်နေတဲ့သူတွေလည်း ရှိပုံရတယ် ကြည့်ရတာ။ အဲ့ဒီတော့ ကျသည်ဖြစ်စေ မကျသည်ဖြစ်စေ ကြည်ညိုထိုက်တဲ့ ပုဂ္ဂိုလ်တွေ ကြည်ညိုလေးစား။ ဓာတ်တော်မကျလို့လည်း မပြစ်မှားလေနဲ့။ ဒါ့ကြောင့်မို့လို့ မြတ်စွာဘုရားက ထူးဆန်းအံသြဖွယ်ကို လုပ်မပြရဘူးလို့ ဟောထားတာ ရှိတယ်။ ဘာပြုလို့တုန်းဆိုတော့ လောကမှာ မျက်လှည့်အတတ် တွေအများကြီးရှိတယ်တဲ့။ ဘုန်းကြီးတို့ဟောထားတယ် “အစွမ်းတန်ခိုးများနဲ့သာသနာ” ဆိုတာ ဒါ သတိထားစရာတွေ ဟောထားတာ။

ဣဒ္ဓိပါဋိဟာရိယ၊ အာဒေသနာပါဋိဟာရိယ၊ အနုသာသနီပါဋိဟာရိယ ဆိုပြီး (၃)မျိုးရှိတဲ့ အထဲမယ် တန်ခိုးမပြရဘူး။ ဣဒ္ဓိပါဋိဟာရိယ၊ အာဒေသနာပါဋိဟာရိယ၊ မပြရဘူး။ အနုသာသနီပါဋိဟာရိယ – ဆုံးမ သွန်သင်မှုကိုသာ ပြုရမယ်လို့။ မြတ်စွာဘုရားက ဒီလို ဆုံးမထားတာ။ ဘာဖြစ်လို့လဲဆိုတော့ စိန္တာမဏိ-အတတ်ပညာတွေ ရှိတယ်တဲ့ သူများစိတ်ကို သိတဲ့အတတ်တွေ။ တော်ကြာကျတော့ ရဟန္တာဖြစ်ပြီးတော့ တကယ်ရဟန္တာဖြစ်နေတဲ့ပုဂ္ဂိုလ်က မစဉ်းစားလို့ဖြစ်စေ မဆင်ခြင်လို့ဖြစ်စေ မသိဘူးဆိုရင် အဲ့ဒီပုဂ္ဂိုလ်ကိုသွားပြစ်မှား တော့မှာပေါ့။

သူများစိတ်ကို သိမှု မသိမှုနဲ့ ရဟန္တာကို သွားတိုင်းတာလို့ရှိရင် တကယ့်ရဟန္တာကြီးက မသိဘူးဆိုရင် ပြစ်မှားကုန်တော့မှာပေါ့။ ဥပမာ-မယ် တန်ခိုးမရှိတဲ့ ရဟန္တာတို့ သွားပြီး ပြစ်မှားမိတော့မှာပေါ့။ နောက်တစ်ခါ အခုခေတ်လူတွေပြောနေသလို နေထိုင်တဲ့အချိန်လေးကို ဒီဆရာတော်ကြီးကတော့ အနေအထိုင်ကောင်းတယ်။ အကျင့်ကောင်းတယ် သို့သော် ပျံလွန်မူတဲ့အခါ ညာဘက်မစောင်းပဲ ဘယ်ဘက်စောင်းသွားတယ်ဆိုပြီး သွားပြစ်မှားရင်လည်း ဒုက္ခရောက်မှာပဲ။ သူစောင်းချင်တဲ့ဘက် စောင်းမှာပေါ့ ဒါကတော့။ မြတ်စွာဘုရားသာ ကျိန်းတဲ့အခါ ဘယ်ဘက်စောင်းအိပ်တယ်ဆိုတာ အတိအကျရှိတာ။ ကျန်တဲ့ရဟန္တာတွေက ထိုင်လျက်ပျံလွန်တော်မူတဲ့ ကိုယ်တော်ရှိတယ်။ မတ်တပ်ရပ်ပျံတော်မူတဲ့ ကိုယ်တော်ရှိတယ်။

ဘယ်လိုလုပ် စောင်းမှာတုန်း အဲ့ဒီကျတော့။ အရှင်ကောဏ္ဍည-ဆို ထိုင်လျက် ပရိနိဗ္ဗာန်စံသွားတာလေ။ အရှင်အာနန္ဒာဆို ဘယ်ဘက်စောင်းလို့ရမှာတုန်း ကောင်းကင်မှာ ပရိနိဗ္ဗာန်စံသွားတာ။ ကဲ ဘယ်လိုလုပ် လက်ယာဘက်တွေ ပြောလို့ရမှာတုန်း။ ဒါတွေဟာ မဟုတ်ဘူးဆိုတာတော့ သိထားဖို့ လိုအပ်တယ်။ ဒါတွေက Evidence မဖြစ်သင့်ဘူး။ သာဓက မဖြစ်သင့်ဘူး။ တရားထူးတရားမြတ်ရခြင်းရဲ့ သာဓက-မဖြစ်သင့်ဘူး။ တရားထူး တရားမြတ်ရခြင်းရဲ့ သာဓက-က သူတော် သူမြတ်တို့ရဲ့ နှလုံးအိမ်မှာဘာတွေ ရှိတယ်ဆိုတာ အဓိက။

တစ်ခါတုန်းက ဘုန်းကြီးတို့နဲ့အလွန်ရင်းနှီးတဲ့ ဒကာကြီးတစ်ယောက် အိန္ဒိယသွားတဲ့အခါ ဗုဒ္ဓဂါယာမှာ- ဟိုနားက မြေလေးကောက် ခဲလေးကောက်နဲ့ သယ်လာတာ။ “ဒကာကြီးလို့ ဒါတွေဘာလို့ကောက်နေတာလဲ” လို့ဆိုတော့ ဟာ ဒီမြေတွေက အင်မတန်ထူးတယ်-တဲ့။ အမလေး ကုလားမစင် စွန့်ထားတဲ့ မြေတွေလို့ ဒီနားက။ ဘုရားဟောတဲ့ တရားပဲ ကျင့်ပါလို့ ဒီရုပ်ဝတ္ထုတွေကို မကိုးကွယ်စမ်းပါနဲ့လို့ပြောရတယ်။ တစ်ချို့က အဲ့လိုတွေ ဂင်္ဂါမြစ်ရေဆိုပြီး မှာတဲ့သူက ရှိသေးတယ်။ တစ်ခါတုန်းက အဲ့ဒီက ပါဠိပါမောက္ခကြီးတစ်ယောက်ဆုံးတော့ သူက ဗုဒ္ဓဘာသာ။ သူဆုံးတော့ ဘုန်းကြီးကို ညသန်းကောင်ကြီးလာနှိုးတယ်။

သွားပြီးတော့ ပရိတ်တွေဘာတွေ သွားရွတ်ပေးရတယ် သူ့ကို။ သွားရွတ်ပေးတော့ မနက်ကျတော့ သူတို့အိမ်ကလည်း ဂင်္ဂါမြစ်ထဲသွားပြီး မျက်နှာသစ်တယ်။ အိုး မျက်နှာသစ်ဖို့ နေနေသာသာ ခြေတောင်မဆေးချင်ဘူး။ မြင်ထားတာက အလောင်းကောင်တွေ မြစ်ထဲချပြီး မျောချတာက ခနခန တွေ့နေရတာ။ ရေတွေကလည်း နောက်ကျိလို့။ အဲ့ဒီတော့ ဒီဂင်္ဂါမြစ်ရေရဲ့ အစွမ်းထက်တယ်တို့ ဘာတို့ ဒီလို ယူဆတာက သူတို့ Brahman တွေရဲ့ အယူအဆသာဖြစ်တယ်ပေါ့။ Holy water ဆိုပြီးတော့ ရုပ်ဝတ္ထုကိုယုံကြည်တဲ့ပုဂ္ဂိုလ်တွေကလည်း အများကြီး။ ဗမာပြည်မှာ တစ်ခါတုန်းက စစ်ကိုင်းက ဧရာဝတီမြစ်ရေဟာ တန်ခိုးကြီးတယ်လို့ဆိုပြီးတော့ ကသည်းစစ်တပ်ကနေ လာတိုက်ဖူးတယ်။ အဲ့ဒီရေကိုရချင်လို့ လာတိုက်တာ။

လာတိုက်ပြီး ရေယူပြီး ပြန်သွားကြတယ်။ ဘယ်ဧရာဝတီမြစ်ရေ အဲ့ဒီလိုသာ တန်ခိုးကြီးမယ်ဆိုရင် မြစ်ရေကြောင့် သန့်ရှင်းမယ်ဆိုရင် ရေထဲက ငါးတွေအကုန် နတ်ပြည်ရောက်ကြမယ်။ လူဆိုတာတခါတလေ မစဉ်းစားနိုင်ဘူး ဖြစ်နေကြတယ်။ ဒါကြောင့်မို့ အကြောင်းအကျိုးဆင်ခြင်မှုဟာ သိပ်ကိုအရေးကြီးတယ်။ ဟုတ်တယ် မဟုတ်ဘူးဆိုတာ အစွန်းမရောက်သင့်ဘူး။ ဒါ စပ်မိလို့ပြောတာ။ အရှင်ကောဏ္ဍညက ထိုင်လျက် ပရိနိဗ္ဗာန်ပြုသွားတယ်။ အဲ့ဒီတော့ လက်ယာဘက်တွေ ကျယ်လောင် ကျယ်လောင်ပြောလာလို့ရှိရင် ဒါတွေက Evidence မဖြစ်သင့်ဘူးပေါ့။ ရဟန္တာဖြစ်ခြင်းရဲ့အကြောင်းဆိုတာ မဖြစ်သင့်ဘူးပေါ့။ ဥပမာတစ်ခုပြောပြမယ်။ မြတ်စွာဘုရားရဲ့ ခန္ဓာကိုယ် တည်ဆောက်ပုံနဲ့ စကြဝတေးမင်းရဲ့ ခန္ဓာကိုယ်တည်ဆောက်ပုံအတူတူပဲ။ အတူတူဆိုတာ အရိုးတွေက ကွင်းဆက်တွေ။ ပစ္စေကဗုဒ္ဓကျတော့ ချိတ်ဆက်-ရဟန္တာကျတော့ သာမန်ပဲ။ အဲ့ဒါကို အမှတ်လွဲပြီးတော့ ရဟန္တာ-ကို ချိတ်ဆက်လို့ ပြောနေကြတယ်။

စာထဲပါတာ အဲ့လိုပါတာ မဟုတ်ဘူး။ ပစ္စေကဗုဒ္ဓါကမှ ချိတ်ဆက်- ဘုရားတို့ စကြာမင်းတို့ကြတော့ ကွင်းဆက်- ဒီလို ဆိုတာ။ အဲ့ဒီတော့ စကြာမင်းအရိုးတွေ့ပြီး ဒါ ဘုရားအရိုးလို့ ဘယ်သတ်မှတ်လို့ ရပါ့မတုန်း။ ခန္ဓာကိုယ်တည်ဆောက်မှုသာ တူတာ။ စကြာမင်းက ဘုရားဖြစ်တာမှ မဟုတ်တာ။ သို့သော် ခန္ဓာကိုယ်တည်ဆောက်မှုက ဘုရားနဲ့ သွားတူတယ်လေ။ သူလည်း ဘုန်းကဲပါရမီရှင်ဖြစ်နေသည့်အတွက်ကြောင့် သွားတူတာရှိတယ်ပေါ့။ အဲ့ဒီတော့ အရိယာနဲ့တူတဲ့ ပုဂ္ဂိုလ်တွေရော မရှိနိုင်ဘူးလား။ ရှိတယ်လေ။

ဒီရုပ်တွေဟာ ကံကြမ္မာနဲ့ဆိုင်တယ်။ ရုပ်တည်ဆောက်မှုတွေဟာ။ အဲ့ဒီရုပ်တည်ဆောက်တာနဲ့ပဲ ဒါရဟန္တာဖြစ်ရမယ်လို့ သွားတွက်လို့ မရဘူးလေ။ သူ့ရဲ့အကျင့်နဲ့သာ ပတ်သက်တယ်။

ပါမောက္ခချုပ် ဆရာတော် ဒေါက်တာနန္ဒမာလာဘိဝံသ အငြင်းပွားသူတို့၏ အတွင်းရေးများ တရားတော်မှ ကောက်နှုတ်ချက်

စာဖတ်သူ ဓမ္မမိတ်ဆွေများ အတွက် ရည်ရွယ်ပြီး ဆရာတော်ဘုရားများ ဟောပြလမ်းညွှန်ထားသောတရား တော်များမှအသိဉာဏ် ဗဟုသုတနှင့် ကုသိုလ်တရားများစဉ်ဆက်မပြတ်တိုး ပွားစေရန်နေ့စဉ် ဓမ္မအကြောင်းရာ လေးတွေ မျှဝေ တင်ပြအပ်ပါတယ် ဓမ္မမိတ်ဆွေများ အားလုံး ကျန်းမာ ချမ်းသာ ဘေးရန်ကွာ၍ ကောင်းကျိုး လိုရာဆန္ဒများ ပြည့်စုံကြပါစေသံသရာ ၀ဋ်ဆင်းရဲမှ လွတ်မြောက်ကြပါစေ ကျွန်တော့်၏ Post များမှ ဓမ္မတရား ​​တော်​များကို အများသူငါဖတ်ရှုလေ့ လာကုသိုလ်ပွားနိုင်ရန်အတွက်ထပ် ဆင့် ၍ဝေမျှ Shareခြင်းဖြင့်ကုသိုလ် ယူနိုင်ကြပါသည် ခင်ဗျာဤဓမ္မဒါနကို ဝေမျှရသောကုသိုလ်ကြောင့်နိဗ္ဗာန်အ တွက်ကြီးစွာသောအထောက်အပံ့ဖြစ် ပါရစေ . . . ။

မေတ္တာဖြင့်ဓမ္မဒါနဝေမျှသူ

Leave a Reply

Your email address will not be published. Required fields are marked *